जनकपुर । मुस्लिम आयोगका अध्यक्ष समिम मियाँ अन्सारी र जनकपुरका एमाले नगर अध्यक्ष सुरेन्द्र भण्डारीलाई मतदाता प्रभावित पार्न पैसा बाँडेको आरोप लागेको छ ।
बिहीबार बिहान जनकपुरधामस्थित सीताचरण होटेलमा पैसा बाँडिरहेको भन्दै सूचना पाएपछि प्रहरी पुगेको थियो ।
जिल्ला प्रहरी कार्यालय धनुषाका अनुसार एमाले नगर अध्यक्ष भण्डारीलाई केही रकमसहित प्रहरीले नियन्त्रणमा लिएको छ। त्यस्तै आयोगका अध्यक्ष अन्सारीलाई भने प्रहरीले उद्धार गरी काठमाडौं पठाएको छ ।
