बाँके । लुम्बिनी र कर्णाली क्षेत्रमा निर्णण भईरहेका राष्ट्रिय गौरबका आयोजनाहरुको अनुगमन गर्न पूर्वधार विकास समितिको टोली आज आईतबार नेपालगंज आईपुगेको छ ।
प्रतिनिधि समिति सदस्य नैन बहादुर शाहीको संयोजकत्वमा ४ सदस्य पूर्वधार विकास समितिको टोली बाँकेको हुलाकी क्षेत्रमा निमार्ण भई रहेको सिक्दा सिचाई आयोजना लगायत क्षेत्रको अनुगमन गरेर आजै दाङ र सल्यान पुगेर केही महत्वपूर्ण आयोजनाहरुको अनुगमन गर्ने कार्यक्रम रहेको संघीय सांसद एंव समितिका सदस्य उर्मिला माझीले बताउनु भयो ।
समितिका संयोजक शाहीले भन्नुभयो, लुम्बिनीको बाँके र दाङ, कर्णालीको सल्यान, जाजरकोट, कालिकोट, जुम्ला, मुगु, र हुम्लामा भौतिक पूर्वधार मन्त्रालय, खाने पानी मन्त्रालय र उर्जा मन्त्रालयद्धारा सञ्चालित सडक तथा ढल, सिँचाइ, खानेपानी, बहुउद्देश्यीय भवन,चौतारा लगायत राष्ट्रिय गौरबका आयोजनाहरुको निरिक्षण गर्ने कार्यक्रम रहेको जानकारी दिनु भयो ।
समितिका संयोजक शाहीले योजना निर्माणमा गुणस्तरीय कार्य र तोकिएको समयमा काम सम्पन्न हुनुपर्ने तथा स्थानीय उपभोक्ता समितिको भूमिका महत्वपूर्ण हुने गरेको बताउदै विकास निर्माणका काममा स्थानीय तहले पनि चासो दिनुपर्ने जिकिर गर्नु भएको थियो ।
समितिका सदस्य एंव पूर्व मन्त्री प्रकाश ज्वालाले कर्णाली करिडोरको कालिकोटको खुलालुदेखि बाजुराको लैफु हुँदै हुम्लाका सलीसल्लासम्म स्थलगत रुपमा सडक लगायत आयोजनाहरुको अबस्थाका बारेमा अनुगमन गर्ने बताउनु भयो ।
समितिका सदस्य मैना कार्कीले जाजरकोटको भुकम्प प्रभावित रिम्ना लगायत क्षेत्रको अनुगमन गर्ने बताउनु भयो । उहाँले भन्नुभयो, कर्णालीको हुमला हरीडोरको अनुगमन गरी बाँके फर्किएर थप केही महत्वपूर्ण आयोजनाहरुको अनुगमन गर्ने कार्यतालिका रहेको जानकारी दिनु भयो ।
