बाँके । नेपालगञ्ज उपमहानगरपालिका बडा नं ४ का अध्यक्ष एवं राप्रपाका नेता मोहम्मद सफिक बेहनाले राप्रपाको अध्यक्षमा राजेन्द्र लिङ्देनको जितले नयाँ पुस्तामा नेतृत्व हस्तान्तरणको सन्देश दिएको बताउनु भएको छ ।
राष्ट्रिय प्रजातन्त्र पार्टी (राप्रपा)को अध्यक्षमा राजेन्द्र लिङ्देनलाई बिजय गराउनका लागि बेहनाले पशुपति नाथ मन्दिरमा पुजा समेत गर्नुभएको थियो । लिङदेनलाई बिजय गराएर फर्किएका बेहना नेपालगञ्ज बिमान स्थलमा पत्रकारहरु संग कुरा गर्दै भन्नुभयो, राप्रपाको महाधिवेशनले नेपाली राजनीतिमा पुरानो नेतृत्वबाट नयाँमा पुस्ता हस्तान्तरणको प्रकृया प्रारम्भ भएको सन्देश दिएको जिकिर गर्नु भयो ।
उहाँले राजा सहितको हिन्दु राज्य लिङ्देनको नेतृत्वमा स्थापित हुने आफुले बिश्वास लिएको बताउनुभयो ।
साथै उहाँले नवर्निवाचित अध्यक्ष लिङदेन सहित निर्वाचित सबै जनाको सफल कार्यकालको कामना पनि गर्नु भयो । लिङदेनलाई जिताउन महत्वपूर्ण भूमिका निर्वाह गरेको भन्दै नेपालगन्ज विमानस्थलमै राप्रपा नेता बेहना, चाँद र सुधिर शुक्लालाई खादा लगाएर सम्मान गरिएको थियो ।
