बाँके । बाँकेको नेपालगन्जमा जारी अनिश्चितकालीन कर्फ्यु आंशिक रूपमा हटाइएको छ। सर्वदलीय बैठकले विगत तिन दिनदेखि जारी कर्फ्यु आजदेखी राति मात्र लगाउने निर्णय गरेपछी आशिंक रुपमा हटाइएको जिल्ला प्रशासन कार्यालय बाँकेले जनाएको छ।
जिल्ला प्रशासन कार्यालय बाँकेमा बुधवार बसेको सर्वदलीय बैठकले कर्फ्युको बिकल्प खोज्न सुझाव दिएको थियो । सुरक्षा समितिको आज बिहान बसेको बैठकले राति मात्र कर्फ्यु कायम राख्ने र दिनमा लगाइएको कर्फ्यु हटाउने निर्णय गरेको छ ।
यद्यपी सर्वसाधारणको सुरक्षामा पर्न सक्ने सम्भावित जोखिमको मध्यनजर गर्दै साबिक नेपालगञ्ज नगरक्षेत्र भित्र कुनै प्रकारको भेला जुलुस गर्न, बैठक वा प्रदर्शन वा पोष्टर, पर्चा जस्ता प्रचार सामग्री टाँस्न वा लेख्न निषेध गरिएको छ।
हिन्दुहरुले नेपालगञ्जमा प्रदर्शन गर्ने क्रममा दुई समुदायबीच विवाद हुँदा ठाउँ ठाउँमा झडप भएको थियो। सो झडपका कारण स्थानीय प्रशासनले कर्फ्यु लगाएको थियो।
