सांग्रिला डेभलपमेन्ट बैंक त्रिभुवन चौक शाखामा जब पैसा झिक्न पहलवान अहिर, सुन्दर अहिर, राकेश अहिर पुगे अनि, दंग परे । खातामा राखिएको क्रमशः २० हजार, ५० हजार, २५ हजार रकम खातामै थिएन । अनि सोधीखोजी गर्दा बैंककै म्यानेजर बताउने नागेश्वर गुप्ताले धम्की पुर्ण व्यवहार गर्दै हिम्मत भए प्रहरीमा निवेदन दिएर देखाउन चेतावनी दिए पछि पिडितहरु झन पिडामा परेका छन् ।
पिडितहरुले कर्मचारीबाट बदमासी भएको दावी गरेका छन् । बैंक कै कर्मचारीबाट पैसा गायव पारिएको पिडितले दाबी गरे पछि म्यानेजर गुप्ता कार्यालयमा बस्न छोडेका छन् उनी बिभिन्न बहानामा कार्यालय समयमा बाहिर बस्ने गरेको पिडितहरुले बताएका छन् ।
बैंकमा रकम सुरक्षित होस भनेर राखिएको थियो त्यही बैंकबाट कर्मचारीले आफूखुसी चेकविनै पैसा झिकेपछि यति बेला पीडित अहिर न्यायको लागि भौतारिएका छन् ।
बैंकका कार्यरत म्यानेजर नागेश्वर गुप्ता कै संलग्नतामा ३ जनाको खाताबाट ९५ हजार रकम गायब भएको रहस्य खुलेको छ । म्यानेजर गुप्ता आफ्नो कामको व्यस्तता बताउदै कार्यालयमा बस्न मानेका छैनन् । मोवाईल समेत सम्पर्क हुन नसक्ने बनाएका छन् । पिडितहरुले बुधबार युथ टुडे संग कुरा गर्दै सरकारबाट पाएको रकम बैंक कै कर्मचारीले गायब गरे पछि न्यायका लागि पहल गरिदिन आग्रह गरेका छन् ।
मंगलबार पैसा झिक्न जाद बैंकको खाताबाट पहिला नै झिकिएको जानकारी बैंकका कर्मचारीले दिए पछि तिनै जना अत्तालिएका छन् । उहाँहरूले बैंककै बदमासी रहेको दाबी गरेका छन् ।
सांग्रिला डेभलपमेन्ट बैंक प्रधान कार्यालयका म्यानेजर सुजन अधिकारीले खातावालाको सहमति बिनै खाताबाट रकम निकाशा हुनु चिन्ताको बिषय भएको बताउदै उहाँले नेपालगञ्ज शाखालाई छानबिनको दायरामा ल्याउने बताउनुभयो ।
खाता वालाको सहमति बिनै रकम झिकिएको हो भने काउन्टरको कर्मचारी र शाखाका म्यानेजरलाई कारवाहीको दायरामा ल्याउने प्रतिबद्धता व्यक्त गर्नु भयो । उहाँले बैंकबाट पनि अनुसन्धान सुरु गरिने जिकिर गर्नु भयो ।
जिल्ला प्रहरी कार्यालय बाँकेले उजुरी आइनसकेको तर, पीडितले मौखित जानकारीको आधारमा तत्काल बैंकका कर्मचारीलाई अनुसन्धानको दायरामा ल्याईने जनाएको छ ।
आरोपित बैंक म्यानेजर मोवाईल सम्पर्क नहुने साथै दिन भरी बैंकको काम देखाएर कार्यालयमा बस्ने गरेका छैनन् । पीडित अहिरले बैंकबाट पैसा हराएको सांग्रिला डेभलपमेन्ट बैंक त्रिभुवन चौक शाखालाई जानकारी गराएका छन् ।
