काठमाडौँ । स्थानीय तहको निर्वाचनको मिति घोषणा भएलगत्तै प्रमुख प्रतिपक्ष दल नेकपा (एमाले)ले सोको तयारीको बारेमा औपचारिक रुपमा पहिलो पटक कार्यक्रम गर्ने भएको छ ।
आगामी ३० वैशाखमा एकैचरणमा स्थानीय तहको निर्वाचनको मिति गर्ने घोषणा भएलगत्तै एमालेले स्थानीय तहको निर्वाचनको तयारी केन्द्रित प्रशिक्षण र अभिमुखीकरण कार्यक्रमको आयोजना शुक्रबार गर्न लागेको हो ।
‘कार्यक्रममा पार्टी केन्द्रीय कमिटीका पदाधिकारी र सदस्यहरु, प्रदेश कमिटीका पदाधिकारीहरु, संघीय सांसद्हरु, प्रदेश सभा सदस्यहरु तथा जिल्ला कमिटीका पदाधिकारीहरु एवम् प्रशिक्षणका लागि तोकिएका प्रशिक्षार्थीहरु सहभागी हुनेछन,’ एमाले प्रचार विभाग उपप्रमुख विष्णु रिजालले जानकारी दिए ।
उनका अनुसार शुक्रबार अपरान्ह १ बजे केन्द्रीय कार्यालय, थापाथलीबाट अध्यक्ष केपी शर्मा ओलीले भर्चुअल सम्बोधन गर्नेछन् ।
