बाँके । बाँकेको खजुरा गाउँपालिकाको अध्यक्षमा एमाले र गठबन्धनबीच कडा टक्कर छ ।
जारी मतगणनामा एमालेभन्दा गठबन्धनका उम्मेदवार २० मतले मात्र पछि परेका छन् । एमालेका उम्मेदवार सुमन मल्लले ७४६७ मत पाउँदा नेकपा माओवादी केन्द्रका डम्बर विक तुफानले ७४४७ मत ल्याएका छन् ।
उपाध्यक्षमा भने गठबन्धनबाट चुनाव लडेकी कांग्रेसकी मञ्जु मल्ल अगाडि छिन् । मञ्जुले ७०४९ मत पाउँदा एमालेकी ताजरुन निशाले ६३३२ मत ल्याएकी छिन् ।
