बाँके । बाँकेको जानकी गाउँपालिकाले इस्लाम धर्मका प्रर्वतक हजरत मोहम्मद सल्लाहुवलैहेवुल्मको जन्मजयन्तीको अवसरमा शुक्रबार सार्वजनिक बिदा दिएको छ ।
इस्लाम धर्मका प्रर्वतक हजरत मोहम्मद सल्लाहुवलैहेवुल्मको जन्मजन्यती अर्थात ‘मोहम्मद डे’को अवसरमा गाउँपालिकाको कार्यपालिकाको निर्णयअनुसार सार्वजनिक बिदा दिइएको गाउँपालिकाका अध्यक्ष छब्बन खानले जारी गरेको प्रेस विज्ञप्तिमा उल्लेख छ ।
हजरत मोहम्मदलाई ईस्लाम धर्मको अन्तिम पैगम्बरको रूपमा मानिन्छ । उनको जन्म ईसापूर्व ५७१ अर्थात इस्लामिक तिथिअनुसार १२ रविउल्लऔएलका दिन सउदीको मक्कामा भएको थियो ।
उनले तत्कालीन समाजमा रहेका विकृतिविरुद्ध अभियान थालेको इस्लाम धर्मगुरुहरूको भनाइ छ । हजरत मोहम्मद पैगम्बर अल्लाहको अन्तिम दुत रहेको उल्लेख गर्दै अध्यक्ष खानले ‘हजरत मोहम्मद इस्लाम धर्मका प्रचारक हुनुहुन्थ्यो । उहाँले मानवमा अमन शान्ति र मानवताका सन्देश छर्ने काम गर्नुभयो । त्यसकारण मुस्लिम समुदायले उहाँको जन्मजयन्तीलाई विशेष रूपमा बनाउँदै आएका छन् ।’ उहाँले सामाजिक सद्भाव कायम राख्दै जन्मजयन्ती मनाउन अपिल गर्नु भयो ।
मोहम्मद डे मुस्लिम समुदायले मिलाद, फातिहा, कुरयानखानी तथा ब्रत बस्ने गर्छन् । शुक्रबार बिहान ७ बजे बाँकेमा मुस्लिम समुदायहरूले शान्ति र्याली निकाल्ने भएका छन् ।
