बाँके । नेकपा एमाले बाँकेले पाँच वटा पालिकाको उम्मेदवार टुंग्याएको छ ।
नेपालगञ्ज उपमाहनगरपालिका, खजुरा गाउँपमलिका, नरैनापुर गाउँपालिका, डुडुवा गाउँपालिका र जानकी गाउँपालिकाको उम्मेदवार टुंगो लागि सकेको नेकपा एमालेका केन्द्रिय सदस्य तथा बाँके ईन्चाज सूर्य ढकालले युथ टुडे न्युजलाई जानकारी दिनु भयो ।
उहाँले नेपालगञ्ज उपमहानगरपालिकामा पशुपतिदयाल मिश्र,खजुरा गाउँपालिकानमा सुमन मल्ल, नरैनापुर गाउँपालिकामा पदमावती यादव, डुडुवा गाउँपालिकामा सरोजकुमारी यादव र जानकी गाउँपालिकामा हिमांशु यादवलाई उम्मेदवार बनाएको बताउनु भयो ।
कोहलपुर नगरपालिका,बैजनाथ गाउँपालिका र राप्तीसोनारी गाउँपालिकामा उम्मेदवार टुंगो लगाउन बाँकी रहेको छ ।
२०७४ सालको चुनावमा एमाले आठ वटामध्ये चार पालिका जितेको थियो । नेपालगञ्ज उपमहानगरपालिकाको २३ वटा वडामध्ये सात वटा वडामा सर्वसम्मत भएको छ भने बाँकी वडाको नाम टुङ्गो लगाउने क्रममा रहेको केन्द्रीय सदस्य ढकालले जानकारी दिनुभयो ।
