बाँके । बाँकेको नरैनापुर गाउँपालिकामा यस वर्ष पनि २० प्रतिशत मात्र रोपाइँ भएको छ ।
२२ औँ राष्ट्रिय धान दिवसका अवसरमा नरैनापुर ४ खोदावामा आयोजित धान रोपाई कार्यक्रममा बोल्दै नरैनापुर गाउँपालिकाका प्रमुख प्रशासकीय अधिकृत नवराज वलीले गाउँपालिकामा हालसम्म पर्याप्त वर्षा हुन नसकेकाले बोरिङको सुविधा भएको ठाउँमा रोपाई सुरु भएको बताउनु भयो । 
नरैनापुर गाउँपालिकाका कृषि शाखा प्रमुख सदन भण्डारीले नरैनापुर गाउँपालिकामा पानी अभाव रहेका कारण हालसम्म २० प्रतिशतसम्म रोपाइँ भएको जानकारी दिनु भयो । उहाँले बोरिङ भएका क्षेत्रहरूमा मात्र रोपाइँ भएको जानकारी दिनुभयो । धान रोपाइँ कार्यक्रममा नरैनापुर वडा नं २ का अध्यक्ष मसुद अहमद शाह, वडा नं ३ का वडा अध्यक्ष अजय मिश्रा, वडा नं ४ का अध्यक्ष मनोज शर्मा, कर्मचारी, शिक्षक,बिधार्थी लगायतको सहभागिता रहेको थियो । 
