बाँके । प्रतिनिधि र प्रदेश सभाको निर्वाचनको मिति नजिकिएसँगै विभिन्न जिल्लाबाट उम्मेदवारहरुको नाम सिफारिस हुने क्रम चलिरहेको छ। यस्तै संघीय सरकारको भौतिक पूर्वधार तथा यातायात मन्त्री मोहम्मद इस्तियाक राईको निर्वाचन क्षेत्र बाँके २ बाट प्रतिनिधि सभाका लागि प्रत्यक्षतर्फ एक्कल नाम सिफारीश हुन नसके पछि मन्त्रीलाई ठूलो भटका लागेको छ ।
्बाँके निर्वाचन क्षेत्र न २ संघीय सांसदका लागि जनता समाजबादी (जसपा) लुम्बिनी प्रदेशले भौतिक पूर्वधार तथा यातायात मन्त्री ईस्तियाक राई र उनका निवर्तमान स्वकीय सचिव शम्सुल हक राईको नाम केन्द्रमा सिफारीस गरेको छ । जसपा लुम्बिनी प्रदेशका अध्यक्ष अशोक यादवले सर्वसम्मत हुन नसके पछि पार्टीले राईद्धयको नाम संघीय सांसदका लागि सिफारीस गरिएको बताए ।
शम्सुल २०६३ को मधेश आन्दोलनदेखि मधेसी जनअधिकार फोरमबाट राजनीति सुरु गरेका हुन । ईस्तियाक राईलाई सांसददेखि मन्त्रीसम्म बनाउन उनको ठूलो हात रहेको छ । उनी मन्त्री हुँदा शम्सुल पटकपटक स्वकीय सचिवका रुपमा काम गर्दै आएका थिए ।
तर, पछिल्लो पल्ट इस्तियाक भौतिक पूर्वधार तथा यातायात मन्त्री भएपछि शम्सुललाई स्वकीय सचिवमा नियुक्त गरेका छैनन् । उनीहरुबीच सम्पर्क पनि हुन छाडेको छ । जसपा स्रोतका अनुसार राईद्धयबीच बोलीचालीसमेत टुटेको छ ।
जसपा लुम्बिनी प्रदेशका सदस्यसमेत रहेका शम्सुलले राजनीति कसैको पेवा नभएको बताए । उनले एक जना नेता सधै सांसद र मन्त्री भइरहने परम्परा तोड्न बाँके निर्वाचन क्षेत्र न. २ बाट संघीय सांसदको दाबी गरिएको जनाए । उनले कैन्द्रीय नेताहरुको सम्पर्कमा रहेको र आफ्नो नाममा सर्वसम्मतले संघीय सांसदको उम्मेदवारीको रुपमा पास गर्ने बिश्वास रहेको बताए ।
निर्वाचन मिति नजिकिदै गर्दा मन्त्री ईस्तियाक र निवर्तमान स्वकीय सचिव शम्सुलबीचको सम्बन्धमा तिक्तत्ता आएको जसपाका नेताहरु बताउँछन् ।
त्यसको असर निर्वाचनमा पनि पर्न सक्ने अडकलबाजी हुन थालेको छ । निवर्तमान सचिव शम्सुलले पछिल्लो समय मन्त्रीको सम्पर्कमा नरहेको स्वीकार गरेका छन् । मन्त्री भएपछि उहाँले मलाई सम्पर्क गर्नु भएको छैन । मैले पनि गरेको छैन । नेपालगन्ज आउँदा पनि उहाँसंग भेटघाट भएको छैन, उनले भने, म पनि निर्वाचनकै तयारीमा लागेको छु । यता मन्त्री राई मेधशी समूदायलाई छोडेर पहाडी समूदायलाई विश्वास गर्न सुरु गरे मधेशी समूदाय रुष्ट देखिएको छ । बिकासका नाममा हुलमुल सहित आफनो निर्वाचन क्षेत्र भन्दा फरक निर्वाचन क्षेत्रमा लागे पछि मतदाताहरु समेत रुष्ट हुदै शम्सुललाई समर्थन गरेका छन् ।
