बाँके । बाँकेको डुडुवा गाउँपालिकामा कांग्रेसले विजयी सुरुवात गरेको छ । उसले डुडुवा–१ बाट विजयी सुरुवात गरेको हो ।
डुडुवा–१ मा कांग्रेसका पतेश्वरी कुर्मीको प्यानल नै विजयी भएको छ । उनले ८ सय ८२ मत ल्याए । उनका निकटतम प्रतिद्वन्द्वी एमालेका कृष्णगोपाल यादवले ७ सय १ मत ल्याए ।
गाउँपालिका अध्यक्ष र उपाध्यक्षमा पनि नेपाली कांग्रेस नै अगाडि छ । अध्यक्षमा काग्रेशले ९६२, उपाध्यक्षमा ९३३ रहेको छ भने एमालेको अध्यक्षमा ८५०, उपाध्यक्षले ८२१ मत प्राप्त गरेका छन् ।
डुडुवा १ मा २६९५ मतदान भएको थियो भने १४४ मत बदर भएको थियो ।
