नेपालगन्ज । आशा लघुबित्त बित्तीय संस्था लिमिटेड खजुरा शाखाद्धारा २ दिने निशुल्क सीप मुलक तालिम शुक्रबार सम्पन्न भएको छ । बिहीवार र शुक्रवार आयोजना गरिएको निशुल्क सिप मुलक तालिममा खजुरा गाउँपालिकाका स्थानियवासीलाई स्वरोजगार बनाउने उद्देश्यका साथ तालिम प्रदान गरेको हो । कोहलपुर स्टेशन अन्तरगत रहेको केन्द्रिय कार्यालयका क्षेत्रिय प्रबन्धक राजेश भण्डारीको प्रमुख आतिथ्यतामा भएको भने तालिमको अध्यक्षता आशा लघुवित्त वित्तिय संस्था लिमिटेड खजुरा शाखाका प्रमुख सञ्जित ओलीले गर्नुभएको थियो । 
दुई दिने निशुल्क सिप मुलक तालिममा स्याम्फु र अचार बनाउने तालिप प्रदान गरिएको थियो । तालिममा खजुरा गाउँपालिकाका ६५ जना प्रशिक्षार्थीको सहभागिता रहेको आशा लघुवित्त खजुरा शाखाका प्रमुख ओलीले जानकारी गराउनुभयो । तालिमले घर मै बसेर पनि अचार उत्पादन र स्याम्फु बनाएर आत्मनिर्भर बनाउनेमा आशाबादी रहेको प्रशिक्षार्थीहरुको भनाई थियो । तालिमको प्रशिक्षण कल्याणी खरेलले गर्नुभएको थियो भने समाजसेवी बुद्धिजिवी शम्भु प्रसाद पन्त र नन्द खरेलको समेत सहभागिता रहेको थियो ।
