खजुरा । बाँके प्रहरीले गाई काटिरहेको अवस्थामा बुधबार बिहान दुई जनालाई पक्राउ गरेको जनाएको छ ।
बाँकेको खजुरा गाउँपालिका वडा नम्बर ५, उढरापुरका ४५ बर्षिय वकिल बेहना र ४० बर्षिय हकिम बेहनालाई बुधबार बिहान गाईको मासु काटिरहेको अवस्थामा बुधबार बिहान पक्राउ गरेको प्रहरीले जनाएको छ ।
ईलाका प्रहरी कार्यालय धनौलीबाट खटिएको प्रहरी टोलीले उनिहरुलाई उढरापुरबाट गाईको मासु काटिरहेको अवस्थामा फेला पारेको हो । प्रहरीले उनिहरुको साथबाट ३० किलो गाईको मासु बरामद गरेको जनाएको छ ।
पक्राउ परेका वकिल र हकिमका बारेमा थप अनुसन्धान गरिरहेको प्रहरीले जनाएको छ ।
