बाँके । निर्वाचन आयोगले स्वतन्त्र उम्मेदवारलाई चुनाव चिन्ह प्रदान गरेको छ। निर्वाचन आउन १३ दिन बाँकी रहँदा आयोगले चुनाव चिह्न वितरण गरेको हो।
आयोगले नेपालगंज उपमहानगरपालिका वडा नं. ५ का अध्यक्ष पदका लागि स्वतन्त्र उम्मेदवार बनेका कानुनका बिद्यार्थी तथा सामाजिक अभियान्ता अब्दुल अजिज हल्वाईलाई लौरो चुनाव चिन्ह दिएको छ । निर्वाचन आयोगले शनिबार दिउसो हल्वाईलाई लौरो चुनाव चिन्ह दिएको हो। उनी चुनाव चिन्ह लिन मुख्य निर्वाचन अधिकृतको कार्यालय पुगेका थिए ।
स्थानीय तहको निर्वाचनका लागि बैशाख ११ र १२ गते उम्मेदवारी दिएका स्वतन्त्र उम्मेदवारहरुलाई चुनाव चिह्न वितरण गरिएको हो। उम्मेदवारीका आधारमा जिल्ला अनुसार निर्वाचन चिह्न वितरण गर्न थालिएको आयोगले जनाएको छ। यता स्वतन्त्र उम्मेदवार हल्वाईले चुनाब चिन्ह पाए संगै आफनो प्रतिबद्धता पत्र सार्वजानिक गर्ने तयारी गरेका छन् ।
