बाँके । राष्ट्रिय प्रजातन्त्र पार्टी (राप्रपा)निकट भ्रातृ संगठनहरुले एमसीसीविरुद्ध गरेको शान्तिपूर्ण प्रदर्शनमा सरकारले दमन गरेको भन्दै राप्रपा बाँके क्षेत्र नं २ ले भर्त्सना गरेको छ ।
शन्तिपूर्ण आन्दोलनमा बिना कारण दमन गर्ने सरकारी कदमको हामी भत्र्सना गर्दछौँ, राप्रपा बाँके क्षेत्र नं २ का अध्यक्ष मोहम्मद सफिक बेहनाले भने । प्रदर्शनको दौरान बुधबार पक्राउ गरिएका विधार्थी नेताहरुको तत्काल रिहाइको पनि बेहनाले माग गरे ।
अमेरिकी सहायता परियोजना एमसीसीको विरोधको क्रममा प्रहरीले राप्रपासम्वद्ध राष्ट्रिय प्रजातान्त्रिक विद्यार्थी संगठन (राप्रविसं) का अध्यक्ष धनसुर शाहीसहित दर्जनौ नेताहरुलाई पक्राउ गरेको छ ।
विद्यार्थी संगठनका कोषाध्यक्ष मदन शाही र पब्लिक युथ क्याम्पस इकाई अध्यक्ष सुजन पुलामीलाई पनि प्रहरीले पक्राउ गरेको छ ।
