काठमाडौं । कमल थापा नेतृत्वको राप्रपा नेपालले संगठन विस्तारलाई युध्द शैलीमा अगाडि बढाएको छ । पार्टीले विभिन्न जिल्लामा संयोजक तोकेर संगठन विस्तारलाई अघि बढाउने रणनीति अनुरुप शुक्रबार मात्रै राप्रपा नेपालले कास्की जिल्ला कार्य समिति गठन गरेको छ।
कास्कीका राप्रपा नेपालसम्वद्ध नेता, कार्यकर्ताहरूको भेलाले शिवकुमार बाँस्तोलाको अध्यक्षतामा २५ सदस्यीय जिल्ला कार्य समिति गठन गरेको हो ।
नवगठित समिति सदस्यहरूमा सूर्यप्रसाद बाँस्तोला, विश्वराज पौडेल, इन्द्र कुमारी शाही, चिना दुवाडी, सागर क्षेत्री, टुकबहादुर गुरुङ, विमल बराल, हिमाल पोखरेल, विष्णुराज बाँस्तोला, कृष्ण प्रसाद बाँस्तोला, लीलाधर गौतम, दीपक सुनार, अनुज अधिकारी हमाल, वीरबहादुर तामाङ, टिकीसरा गर्वुजा तामाङ, स्विटी केसी सुरेश शिल्पकार, सन्तोष घिमिरे, वर्षा ढकाल, टेकबहादुर जलरी, रोशन पौडेल, सजग तिवारी, सुनिल बाँस्तोला र छविलाल लामिछाने छन्।
यस्तै बाँके जिल्ला संयोजकमा दीपेन्द्र बहादुर सिंह, हुम्ला जिल्लाको संयोजकमा सुमन रावत तथा चितवनको जिल्ला संयोजकमा विष्णु खराललाई मनोनित गरिएको छ।
अन्य जिल्लामा पनि चाँडै जिल्ला कार्य समिति निर्माण गर्ने राप्रपा नेपालका नेता राजाराम बर्तौलाले जानकारी दिनु भयो । युथ टुडे न्युज संग कुराकानी गर्दै नेता बर्तौलाले निर्वाचनमा राप्रपा नेपालले आफ्नो सहभागिता जनाउने भएकोले संगठनलाई गाउँ टोल टोल सम्म पुर्याउने रणनिती अनुरुप काम गर्न कार्यकर्ताहरुलाई निर्देशन दिएको बताउनुभयो ।
