विराटनगर । कोशी प्रदेशको मुख्यमन्त्री भोलि शुक्रबार मात्र नियुक्ति हुने भएको छ । मुख्यमन्त्रीमा दुई जनाले दाबी पेश गरेपछि प्रदेश प्रमुखले पर्शुराम खापुङले शुक्रबार नियुक्तिका लागि समय लिएका छन् ।
उनले परामर्शका लागि समय लाग्ने भन्दै भोलिमात्र मुख्यमन्त्री नियुक्त गर्ने निर्णय गरेका हुन् । संविधानको धारा १६८(५) अन्तर्गत सरकार गठनका लागि दिएको समय सीमा भोलिसम्म रहेको छ । दुईजनाको दाबी परेपछि आवश्यक परामर्शका लागि समय लाग्ने भन्दै उनले आज मुख्यमन्त्री नियुक्त नगरेका हुन् ।
संविधानको धारा १६८(५) अन्तर्गत रहेर सत्ता गठबन्धनबाट माओवादी संसदीय दलका नेता नेता इन्द्रबहादुर आङवोले मुख्यमन्त्रीको दाबी पेश गरेका छन् । उनले कांग्रेसका २९, माओवादीका १३, एकिकृत समाजवादीका ३ र जसपाका १ प्रदेश सभा सदस्यको हस्ताक्षर बुझाएका छन् । आङ्बाले गठबन्धनको निर्ययपछि मुख्यमन्त्रीकको दावी पेस गरेका हुन् ।
यस्तै, कांग्रेसका शीर्ष नेताहरुको निर्णयविरुद्ध असन्तुष्टी जनाउदै कांग्रेसका प्रदेशसभा सदस्य केदार कार्कीले आफूसहित कांग्रेसका ८ जनासहित प्रदेश सभासदस्य र एमालेका ३९ प्रदेशसभा सदस्यको हस्ताक्षरसहित मुख्यमन्त्रीमा दाबी गरेका छन् ।
