बाँके । बाँकेबाट सरुवा हुनुभएका प्रमुख जिल्ला अधिकारी खगेन्द्र प्रसाद रिजालको बिदाई गरिएको छ । दैलेखी सेवा समाज लगायत दर्जनौ गैरसरकारी संस्थाले फेरि भेटौला कार्यक्रमको आयोजना गरी प्रजिअ रिजालको बिदाई गरेको हो ।
बिदाइ कार्यक्रममा बोल्नुहुँदै प्रमुख जिल्ला अधिकारी रिजालले ९ महिनाको कार्यकाल उपलब्धिमूलक रहेको बताउनुभएको छ । उहाँले बाँकेमा आफुले निकै नै मेहनतका साथ नागरिकको गुनासोलाई सम्बोधन हुने गरी काम गरेको भन्दै कार्यकाल उपलब्धिमूलक रहेको बताउनुभएको हो । 
जिल्लामा शान्ति, सुरक्षा र सुव्यवस्था, विपद व्यवस्थापन, बजार अनुगमण, लगायतका विषयमा सबै पक्षसँग समन्वय गरी काम गरेको उल्लेख गर्नुभयो ।
दैलेखी समाज परिवार बाँकेका अध्यक्ष पुरना देव गिरीले प्रजिअ रिजालको कार्यशैलि प्रशंसनिय रहेको बताउँदै कुशल प्रशासक र स्पष्ट वत्ताको संज्ञा दिनु भएको थियो ।
राजनीतिक दल, विभिन्न स्थानिय तह, सामाजिक संस्था, नागरिक, सञ्चारक्षेत्र लगायत सबै पक्षसँग समन्वयकारी भूमिकाले काम गरेको बताउँदै सौहार्दपूर्ण वातावरणमा जिल्लामा शान्ति सुरक्षा र सुव्यवस्था कायम गर्नमा निकै महत्वपूर्ण भूमिका निर्वाह गरेको भन्दै उहाँलाई धन्यवाद व्यक्त गर्नु भएको छ ।
