बाँके । व्याक वार्ड सोसाईटी एजुकेशन (बेस) नामक गैह् सरकारी संस्थाले पालिका स्तरीय सामाजिक लेखा परिक्षण सम्पन्न गरेका छ । मंगलबार राप्ती सोनारी गाँउपालिकामा आयोजित कार्यक्रममा सरोकारवाला निकायका कर्मचारीहरु, स्थानीय सरकारका प्रतिनिधिहरु, सेवाग्राहीहरु र संचारकर्मीहरुको उपस्थितिमा सामाजिक लेखा परिक्षण सम्पन्न भएको हो ।
बेसका केन्द्रीय सदस्य संगिता चौधरीको अध्यक्षतामा भएको कार्यक्रमको प्रमुख अतिथि नरैनापुर गाँउपालिकाका अध्यक्ष इस्तियाक अहमद शाहले शैक्षिक क्षेत्रको सुधारका लागि बेसले सुरु गरेको अभियान प्रशंसा योग्य रहेको बताउदै उहाँले नरैनापुर र राप्ती सोनारीको सबै विद्यालयलाई लक्षित गरी कार्यक्रम संचालन गर्न सुझवा दिनु भएको थियो । 
बेसका केन्द्रीय सदस्य चौधरीले नरैनापुरको २ वटा विद्यालयमा ७०६ जना विद्यार्थीहरुलाई १३ लाख ९१ हजार ९ सय ९८ रुपिया बराबरको शैक्षिक सामाग्री वितरण गरेको बताउनु भयो । उहाँले भन्नुभयो राप्ती सोनारी गाँउपालिकाको ५ वटा विद्यालयमा १२४२ जना विद्यार्थीलाई २४ लाख ४८ हजार ८ सय १३ रुपिया बराबरको शैक्षिक सामाग्री वितरण गरिएको जानकारी गराउनु भएको थियो ।
कार्यक्रममा बोल्ने सहभागिहरुले बेसले प्रदान गरेको शैक्षिक सामाग्रीका कारण विद्यार्थीहरुको संख्यामा बृद्धि भएको बताउदै शैक्षिक सुधारका लागि थप कार्यक्रम ल्याउन माग गरिएको थियो ।
कार्यक्रममा राप्ती सोनारी गाँउपालिकाका उपाध्यक्ष मनिषा थारु, राप्ती सोनारीका प्रमुख प्रशासकिय अधिकृत ओम प्रकाश देबकोटा, वडा नं ३ का वडा अध्यक्ष मिन कुमार चौधरी लगायतले आफनो धारणा राख्नु भएको थियो ।
