काठमाडौं । नेकपा माओवादी अध्यक्ष पुष्पकमल दाहाल ‘प्रचण्ड’ नेतृत्वको सरकारमा तीन जना उपप्रधानमन्त्री बन्ने भएका छन् ।
नेकपा एमालेबाट उपाध्यक्ष विष्णु पौडेल, माओवादी केन्द्रबाट वरिष्ठ उपाध्यक्ष नारायणकाजी श्रेष्ठ र राष्ट्रिय स्वतन्त्र पार्टी (रास्वपा)बाट सभापति रवि लामिछाने उपप्रधानमन्त्री बन्ने भएका हुन् ।
एमाले उपाध्यक्ष पौडेल उपप्रधानमन्त्री र अर्थमन्त्री बन्ने भएका छन् । माओवादी केन्द्रले श्रेष्ठलाई उपप्रधानमन्त्री र परराष्ट्र मन्त्रीको जिम्मेवारीसहित सरकारमा पठाउने निर्णय गरेको छ ।
त्यस्तै रास्वपा सभापति लामिछाने उपप्रधानमन्त्रीसहित गृहमन्त्री बन्ने बताइएको छ । नारायणकाजीले परराष्ट्र रोजेपछि लामिछाने गृहमन्त्रालय पाउने पक्का भएको रास्वपाको एक नेताको दाबी छ ।
माओवादी अध्यक्ष पुष्पकमल दाहाललाई आइतवार राष्ट्रपति विद्यादेवी भण्डारीले नियुक्त प्रधानमन्त्रीमा नियुक्त गरेको छ । आजै अपराह्नन ४ बजे प्रचण्डले प्रधानमन्त्रीमा शपथ लिँदैछन् ।
प्रधानमन्त्रीसँगै पौडेल, श्रेष्ठ र लामिछानेले पनि उपप्रधानमन्त्री तथा मन्त्रीको शपथ लिने बताइएको छ ।
