असलम भाट
बाँके । नेपाली काङ्ग्रेस बाँके जिल्लाको पार्टी कार्यालयमा जिल्ला सभापति नारायण प्रसाद गौडेल सङ्ग असन्तुष्ट नेता तथा कार्यकर्ताले पार्टी कार्यालयमा लगाएको ताला अझै खुल्न सकेको छैन ।
जिल्ला सभपति नारायण प्रसाद गौडेलले पार्टीको बिधान बिपरित बहुमत नै नपुर्याई मनोनित तरिकाले आफ्नो अनुकुल विभिन्न समिती हरु बनाउने मनमर्जी निर्णयहरु गरेका कारण हामी लोकतान्त्रिक लडाई लड्दै आईरहेका नेता तथा कार्यकर्ताहरुले कार्यालयमा तालाबन्दी गरेको सुदिप नरसिंह राणाले बताउनु भयो ।
कम्युनिष्टहरु जस्तो तानाशाह हाम्रो पार्टी होइन हामी विधि बिधान लाई टेकेर काम गर्ने हो तानाशाह प्रबृत्ति नेपाली काङ्ग्रेस भित्र चल्दैन हामी विधि बिधानको लागि लडि रहेका छौ समयमै जिल्ला सभापति सच्चिनु भएन भने हामी चरण बद्व आन्दोलन गर्दै जाने युवा नेता यज्ञ बहादुर महराले बताए ।
तालबन्दी कार्यक्रममा संविधान सभा सदस्य आशा बिक पुर्व माननिय बादशाह कुर्मी क्षेत्र नम्बर ३ का क्षेत्रीय सभापति मो नकि खाँ क्षेत्र नम्वर १ का क्षेत्रीय सभापति माधव खत्री लगायत नेता तथा कार्यकर्ताहरुको उपस्थिति रहेको थियो ।
