काठमाडौं । जनता समाजवादी पार्टी (जसपा)का अध्यक्ष उपेन्द्र यादवको नेतृत्वमा सरकारमा जाने भएको छ । बिहीबार बसेको केन्द्रीय कार्यकारिणी समितिको बैठकले सो निर्णय गरेको हो । साथै, बैठकले मन्त्रीहरूको समते टुंगो लगाएको छ ।
बैठकले अध्यक्ष यादव र सप्तरी–१ बाट निर्वाचित सांसद नवलकिशोर साहको नाम टुंगो लगाएको हो हो । अध्यक्ष यादव उपप्रधानसहित स्वास्थ्य तथा जनसंख्यामन्त्री र साह वनमन्त्री बन्ने पार्टीका प्रचार–प्रसार तथा प्रकाशन विभाग प्रमुख पूर्ण बस्नेतले जानकारी दिए ।
जसपाले स्वास्थ्य राज्यमन्त्री पनि पाउने टुंगो लागेको छ । त्यसमा दीपक कार्कीको नाम चर्चामा रहेको उनले बताए । त्यसमा महिला पठाउने कि भनेर पनि छलफल भइरहेको उनले बताए । केहीबेरमा मन्त्रीहरूको नाम पठाइने र आजै शपथको सम्भावना रहेको पनि उनले बताए ।
