सलमान खान
बाँके । कात्तिक र मंसिर किसानहरूका लागि अन्न भित्र्याउन महिना हो । यतिबेला किसानहरू अन्नबाली भित्र्याउन खेतबारीमा व्यस्त छन्। मतदाता खेतबारीमै भेटिने भएपछि मंसिर ४ गते हुने प्रतिनिधि र प्रदेश सभा चुनावका उम्मेदवारहरू खेतीबारी र घरघरमा पुग्न थालेका छन्।
जनता समाजवादी पार्टी नेपालको तर्फबाट बाँके क्षेत्र २ को (क) बाट उम्मेदवारी दिएका भण्डारीलाल यादव चुनाव प्रचारमा घर घरमा खुट्टा ढोग्दै भोट माग्दै गरेको तस्वीर सार्वजनिक भए पछि विवादित बनेका छन् ।
भण्डारी लाल यादवको दबाबमा जसपाबाट निर्वाचित वडा अध्यक्षहरु डुडुवा गाउँपालिकाको कार्यपालिका बैठक बस्न नदिए पछि गाउँपालिकाले गर्ने महत्वपूर्ण काम संगै कर्मचारीहरुले ४ महिना देखि तलब पाउन सकेका छैनन् ।
यता स्थानीयहरुले जसपालाई मतदान नगर्ने निर्णय लिए पछि प्रदेश सभा सदस्यका उम्मेदवार यादवले प्रचार प्रसारको शैली परिवर्तन गरेका छन् । उनले घर घरमा पुगेर खुट्टा ढोग्दै भोट माग्न सुरु गरे पनि स्थानीयहरुले यसपाली स्वविवेक प्रयोग गर्ने बताएका छन् ।
यता डुडुवा गाउँपालिकामा स्थानीय निर्वाचनमा ३ वटा वडामा बिजय हासिल गरे पनि जनताको भावनाको कदर नगरेको भन्दै डुडुवा जसपा निल हुने सम्भावना बढी रहेको स्थानीयहरुले बताएका छन् ।
