काठमाडौं । राष्ट्रिय स्वतन्त्र पार्टी (रास्वपा)को महाधिवेशन लम्बिने भएको छ । सोमबार बिहान ८ बजेबाट सुरु हुने तालिका रहेपनि अहिलेसम्म बन्दसत्र सुरु हुन नसकेपछि महाधिवेशन लम्बिने भएको हो ।
पार्टी प्रवक्ता मनिष झाले सञ्चारकर्मीसँग कुरा गर्दै महाधिवेशन एक दिन ढिला हुनसक्नेमा आफूहरू तयार रहेको बताए ।
साथै, उनले महाधिवेशन प्रतिनिधिको संख्या पनि बढेको जानकारी दिए ।
आज बिहानसम्म करिब ४ हजार ३ सय प्रतिनिधि पुगेको अपडेट आफूले पाएको उनले बताए । यद्यपि मधेश प्रदेशका प्रतिनिधिहरू केही छुटेको र सोही छुटेकालाई समावेश गर्नेगरी गृहकार्य भइरहेको उनले बताए ।
