बाँके । नेपालगन्ज उपमहानगर–पालिकाको वडा प्रहरी कार्यालयमा भर्खरै कार्यालय प्रमुखको जिम्मेवारी सम्हाल्नु भएका प्रहरी निरीक्षक अरुण बमले शान्ति सुरक्षा कायम गर्न निरन्तर रुपमा आफुले नगरवासीका लागि खटिने बताउनु भएको छ ।
वडा प्रहरी कार्यालयको जिम्मेवारी सम्हालेको छैठौं दिन आइतवार नेपालगन्जमा पत्रकारहरुसँग परिचयात्मक कार्यक्रम गर्दै उहाँले नगरवासीका लागि शान्ति सुरक्षा कायम गर्नु मेरो पहिलो प्राथमिकता हो प्रमुख बमले भन्नुभयो । लागु औषध नियन्त्रण, जुवातास नियन्त्रणलाई कडाइका साथ गरिने उहाँको पत्रकार समक्ष जानकारी गराउनुभयो । नगरवासीको सल्लाह बमोजिम नगरको शान्ति सुरक्षालाई चुस्त दुरुस्त बनाउने उहाँले प्रतिवद्धता जनाउनुभयो । घरेलु हिंसा न्यूनिकरणमा पनि आफ्नो भूमिकालाई प्रभावकारी बनाइने उहाँले बताउनुभयो । नगरको सामाजिक सद्भाव कायम गर्ने सवालमा आफुले हरसम्भव प्रयास गरिने उहाँले जानकारी गराउदै भन्नुभयो यसमा पत्रकार र जनप्रतिनिधीहरुको पनि साथ सहयोग अपरिहार्य रहेको बताउनु भयो ।
खासगरी नेपालगन्जको अति व्यवस्त त्रिभुवन चोकदेखि त्रिवेणी मोडसम्म प्रहरीले सुरक्षा व्यवस्थामा जोड दिने उहाँले बताउनुभयो । आफ्नो मातहतमा रहेका प्रहरी पोष्टलाई नेपालगन्जवासीले पाउने शान्ति सुरक्षा अमनचयनका साथ पुरा गर्ने उहाँले जानकारी गराउनुभयो । बमको नेतृत्वमा नगरको शान्ति सुरक्षा मजवुत र व्यवस्थित बनाउने गरि आफु फिल्डमा खटिने बताउनुभयो । नगरका जुनसुकै स्थानमा केही घटना वा सहयोग परेको खण्डमा प्रहरी चौविसै घण्टा तत्पर रहेको उहाँले बताउनुभयो ।
