बाँके । नेपालगञ्ज उपमहानगरपालिका वडा नम्बर ५ को वडा अध्यक्षमा जसपाबाट सराफत खान निर्वाचित भएका छन् । यो वडामा यसअघि राप्रपाले जितेको थियो ।
सराफतको पुरै प्यानल विजय भए पछि नेपालगंजमा बिशाल र्याली निकालिएको छ । अध्यक्षमा निर्वाचित भए पछि खानले जनताको जित भएको प्रतिक्रिया दिएका छन् । खानले वडालाई आफूले निर्वाचनमा गरेको प्रतिबद्धता अनुसार नै नमूना बनाएर देखाउने बताउनु भयो ।
उहाँले आफू संगै पराजय व्यहोरेकाहरुलाई निराश नहुन अपिल गर्दै उहाँले भन्नुभयो, पराय व्यहोरेका साथीहरुको एजेण्डालाई संगै लिएर जनताको काम गर्ने विश्वास व्यक्त गर्नु भयो । उहाँले आफू जसपाबाट निर्वाचित भए पनि जनमुखी काम गर्दै वडाबाट हुने कामहरुलाई सहज बनाउने जिकिर गर्नु भयो ।
