काठमाडौं । ६० किलो सुन तस्करी प्रकरण र समाजमा बढदै गइरहेको अराजकताका विषयमा छलफल गर्न सत्ता र प्रतिपक्षी दलको बैठक बस्दैछ । सुन तस्करी प्रकरणको अनुसन्धानका लागि उच्चस्तरीय जाचबुझ आयोग गठन गर्ने र अराजकताका विषयमा छलफल गर्न दिँउसो २ बजे गृह मन्त्रालयमा बैठक बोलाइएको छ ।
यसअघि दलहरुबीच असोज ५ गते आयोग गठन गर्ने सहमति भएको थियो । तर सत्तापक्ष र प्रतिपक्षी दल आ–आफ्नै अडानमा रहेका कारण आयोग गठन हुन सकेको छैन । अहिले सत्तारुढ दलहरू आन्तरिक छलफलमा छन् ।
त्रिभुवन अन्तर्राष्ट्रिय विमानस्थलको भन्सारबाट जाँचपास समेत भइसकेको अवस्थामा साउन २ गते बरामद भएको ६० किलो ७१६ ग्राम सुन तस्करी प्रकरण अहिले अदालतमा छ । प्रहरीको केन्द्रीय अनुसन्धान ब्यूरो (सीआईबी)ले अनुसन्धान सकेपछि जिल्ला सरकारी वकिलको कार्यालय काठमाडौंले सुन तस्करी प्रकरणको मुद्दा अदालत टेकाएको हो ।
कार्यवाहक प्रधानमन्त्री एवम् रक्षामन्त्री पूर्णबहादुर खड्का संग वैठकको एजेण्डा लगायतका बिषयमा जनमत पार्टीका राष्ट्रिय उपाध्यक्ष एवं उधोग तथा वाणिज्य र श्रम उपभोक्ता हित समितिका सभापति अब्दुल खानले छलफल गर्नु भएको छ ।
