बाँके । प्रेस सेन्टर नेपाल बाँकेको आज बसेको दोस्रो पुर्ण बैठक १० बुँदे निर्णय गर्दै बैठक सम्पन्न भएको छ ।
संगठनका अध्यक्ष डक्ट प्रसाद धितालको अध्यक्षतामा बसेको बैठकले पालिक स्तरमा संगठन बिस्तार गर्ने निर्णय गरेको छ । संगठनका उपाध्यक्ष आलम खानलाई नेपालगञ्ज उपमहानगरपालिका, डुडुवा खजुरा र बैजनाथ गाउँपालिकाको इन्चार्ज बनाएको छ भने कोहलपुर नगरपालिका , बैजनाथ गाउँपालिका ,राप्ती सोनारी गाउँपालिका र नरैनापुर गाउँपालिकाको इन्चार्जमा उपाध्यक्ष राजेश आचार्यलाई जिम्मेवारी तोकेको छ ।
बैठकले संगठनको कार्यालय स्थापना गर्न आवश्यक र उचित जग्गा खोज्ने निर्णय गरेको छ । बैठक तथा कार्यक्रम सन्चालन कार्यविधी बनाउन कार्यवाहक सचिव केपी घिमिरेलाई जिम्मेवारी दिनुका साथै आवश्यक तथा तत्काल गर्नुपर्ने कामकारबाही र निर्णय गर्दा पदाधिकारी तथा कार्यलय टिमले गर्ने गरि अख्तियारि दिने सर्वसहमतिले निर्णय पारित गरेको छ । संगठनले सबै पदाधिकारी तथा साधारण सदस्यहरुको परिचयपत्र बनाउने, सदस्यता नयाँ दिने, कार्यालय खोज्ने लगायतको निर्णय गरिएको अध्यक्ष धितालले बताउनुभयो ।
साथै बैठकले आगामी केन्द्रीय तथा प्रदेश अधिबेशनका लागि महाधिवेशन प्रतिनिधि समेत सर्वसहमतिले छनोट गरेको छ ।
उक्त बैठकमा संगठनका पूर्व अध्यक्षहरु सुशील लामिछाने र प्रदिप वाग्लेको सहभागिता रहेको थियो ।
