काठमाडौं । भरतपुर महानगरपालिकाको मेयरमा नेकपा माओवादी केन्द्रका उम्मेदवार रेनु दाहाल मतगणना नसकिँदै विजयी भएका छन् ।
भरतपुरमा १० हजार ५६२ गन्न बाँकी छ । तर, रेनुले ११ हजार ३७२ मतान्तर बनाइसकेकाले मतगणना सकिनुअघि नै उनी विजयी भएका हुन् ।
भरतपुरमा १ लाख २७ हजार ५६६ मत खसेको थियो । जसमा एक लाख १७ हजार गणना सकिसक्दा गठबन्धनका उम्मेदवार रेनुले ४७ हजार ३९९ मत पाएका छन् ।
उनका निकटत प्रतिद्वन्द्वी नेकपा एमालेका उम्मेदवार विजयी सुवेदीले ३५ हजार ८३८ मत ल्याएका छन् । गन्न बाँकी सबै मत सुवेदीका पक्षमा आउँदा पनि रेनुको जति पुग्दैन । त्यसैले मतगणना नसकिँदै रेनु विजयी भएका हुन् ।
रेनु विजयी भइसके पनि निर्वाचन अयोगले आधिकारिक घोषणा भने गरेको छैन । सम्पूर्ण मतगणना सकिएपछि मात्रै अयोगले निर्वाचित भाएको घोषणा गर्नेछ ।
रेनु दोस्रो कार्यकालको लागि मेयर निर्वाचित भएका हुन् । अघिल्लो निर्वाचनमा पनि एमालेको उम्मेदवारलाई नै पराजित गर्दै मेयर निर्वाचित भएको थिए । अघिल्लो निर्वाचनमा एमालेका उम्मेदवार देवी ज्ञवालीलाई २०३ मतले हराएका थिए । यसपटक भने सार्वधिक मतसहित रेनु विजयी भएका हुन् ।
