बाँके । आसन्न निर्वाचनका लागि युवा तथा खेलकुद मन्त्री महेश्वर गहतराज (अथक) र लुम्बिनी प्रदेश सभा सदस्य कृष्णा केसी"नमुना" बाँकेबाट उम्मेदवार सिफारीस भएका छन । नेकपा (माओवादी केन्द्र) ले मन्त्री अथक, प्रदेश सभा सदस्य नमुना सहित ५ जनाको नाम बाँके क्षेत्र नं. १ बाट प्रतिनिधिसभाको उम्मेदवार सिफारीस गरेको हो । मन्त्री अथक र नमुना ०७४ सालको निर्वाचनमा निर्वाचित भएका थिए । 
हाल युवा तथा खेलकुद मन्त्री रहेका अथक र प्रदेश सभा सदस्य नमुना यस क्षेत्रकै बिकासप्रेमी नेताका रुपमा स्थापित छन । आफ्नो क्षेत्रको विकासमा अहोरात्र खटिने नेताका रुपमा पहिचान बनाएका नेता द्वय चर्चामा छन ।
अन्य पार्टीभित्र पनि राम्रो छवि बनाएका अथक र नमुना एक पटक प्रतिनिधि सभाको उम्मेदवारका रुपमा सिफारीस भएका हुन ।
मन्त्री अथक र प्रदेश सभा सदस्य नमुना सँगै नेकपा (माओवादी केन्द्र) ले बाँके क्षेत्र नं. १ को प्रतिनिधिसभाका उम्मेदवारका लागि अन्य पाँच जनाको नाम समेत सिफारीस गरेको जनाएको छ । सिफारीस हुनेहरुमा अशोक रोकाया, नरेश पौडेल, चन्द्रकान्त र नरेन्द्र न्यौपाने रहेका छन ।
