बाँके । दसौँ राष्ट्रिय खेलकुद प्रतियोगिताको लागि नरैनापुरबाट २ खेलाडी सहभागी हुने भएका छन् । कर्णाली प्रदेशको सुर्खेतमा हुने दसौँ राष्ट्रिय खेलकुद प्रतियोगिताको लागि नरैनापुरबाट २ जना खेलाडी विभिन्न खेल विधाका लागि सहभागी हुने भएका हुन् ।
एथलेटिक्स खेलका लागि नरैनापुरबाट २ जना खेलाडी सहभागी हुने नरैनापुर गाउँपालिकाका शिक्षा शाखा प्रमुख कृष्ण चौधरीले जानकारी दिनुभयो ।
उहाँका अनुसार एथलेटिक्स खेलका लागि पुरुषतर्फ अरबिन्द यादव र महिलातर्फ गिता कुमारी शाहु सहभागी हुने भएका छन् । खेलाडीहरुलाई एक कार्यक्रमका बीच नरैनापुर गाउँपालिकाका अध्यक्ष शैयद इस्तियाक अहमद शाह र प्रमुख प्रशासकीय अधिकृत नवराज वलीले खेल सामाग्री र पोशाक हस्तान्तरण गर्नु भएको थियो ।
छनोट भएका खेलाडीहरु जिल्ला स्तरीय प्रतियोगितामा विभिन्न पदक प्राप्त गरेका छन् ।
