काठमाडौं । नेपाल लाइफ इन्स्योरेन्स कम्पनी लिमिटेडका प्रमुख कार्यकारी अधिकृत सन्तोष प्रसाईले आफ्नो पदबाट राजीनामा दिएका छन् । घरायासी र व्यक्तिगत कारणले उक्त पदमा रही कम्पनीको निरन्तर सेवामा रहन असमर्थ रहेको भन्दै सिइओ प्रसाईले पदबाट राजीनामा दिएका हुन् ।
उनको राजीनामा कात्तिक २१ गते बसेको सञ्चालक समितिको ३२८ औं बैठकले स्वीकृत समेत गरिसकेको कम्पनीले जनाएको छ । साथै अर्को व्यवस्था नभएसम्मका लागि कम्पनीले प्रमुख कार्यकारी अधिकृतको जिम्मेवारीमा नायव प्रमुख कार्यकारी अधिकृत सुशील कुमार चौधरीलाई दिने भएको छ ।
