बाँके । बाँकेका मुस्लिम धर्मावलम्बीहरुले मंगलबार इस्लाम धर्मका प्रवर्तक हजरत मोहम्मद पैगम्बर सल्लाह अलैवसल्लामको १४३९ औं जन्म जयन्ती मनाएका छन्। 
हजरत मोहम्मदको जन्म इस्लामी पात्रो अनुसार हिजरी सम्बतको रब्बीअव्ल महिनामा साउदी अरबको मक्कामा बिबि आमिनाको कोखबाट भएको उल्लेख छ ।
मुस्लिम समुदायको बाहुल्यता भएको नेपालगन्जमा पनि धुमधामका साथ हजरत मोहम्मद पैगम्बरको जन्मदिवस मनाइएको छ।
नेपालगन्जका विभिन्न चोकमा झन्डा, बेलुन, सिँगारिएका रिक्सा, गाडी, ट्याक्टरमा बाजा बजाएर नगर परिक्रमा गरेर मोहम्मदको जन्मोत्सव मनाइएको नेपालगञ्ज उपमहानगरपालिका बडा नं ४ का अध्यक्ष मोहम्मद सफिक बेहनाले जानकारी दिनु भयो ।
हजरत मोहम्मदको जन्मदिनको अवसरमा विभिन्न नाअत सरिफ वाचन गर्ने र उनका उपदेश, वाणीहरुको चर्चा गर्ने गरिन्छ। उनको जन्म जयन्तीको अवसरमा मुस्लिम समुदायका मानिसहरुले एक आपसमा शुभकामना आदान प्रदान गर्ने गर्दछन्।
जन्मजयन्तीको अवसरमा बाँकेको नरैनापुर र जानकी गाउँपालिकाले सार्वजनिक बिदा दिएको छ नेपाल सरकारले मुस्लिमहरुलाई सार्वजनिक विदा समेत दिएको थियो।
