विराटनगर । प्रधानमन्त्री एवं नेपाली कांग्रेसका सभापति शेरबहादुर देउवाले आफूले हँसिया हथौडामा भोट हालिसकेको बताएका छन् ।
विराटनगरमा शनिबार आयोजित बाम लोकतान्त्रिक गठबन्धनको संयुक्त भेलालाई सम्बोधन गर्दै उनले गिरिजाप्रसाद कोइरालाले शान्ति सम्झौता गर्दा नै आफूले भोट हालिसकेको बताए ।
प्रधानमन्त्री देउवाले रूख भएको ठाउँमा रूखमा र नभएको ठाउँमा हँसिया हथौडा र कलममा मत दिन आग्रह गरे । उनले आफूहरू सबै मिलिसकेको बताउँदै भने, ‘लोकतन्त्र र गणतन्त्रलाई स्थायी गराउन गठबन्धनलाई भोट दिन म आग्रह गर्दछु ।’
