बाँके । नेपाल कम्युनिष्ट पार्टी माओवादी केन्द्रबाट नेपालगञ्ज उपमहानगरपालिकाको मेयरको उम्मेद्वार बन्नका लागि ५ जनाले आकांक्षा देखाएका छन् ।
नेपालगञ्ज उधोग वाणिज्य संघका पुर्व अध्यक्ष नन्दलाल वैश्य, जनयुद्ध कालका माओवादी योद्धा नबिन शर्मा, होटल व्यवसायी तेजबहादुर रेग्मी, ब्यापारी आदेश अग्रवाल र अर्को टंका धामीले नाम टिपाएका हुन् ।
मेयरका आकांक्षी मध्ये नन्दलाल वैश्य हाडिया बाबा आश्रमका अध्यक्ष हुन । हाडियाबाबा आश्रममा सोलर व्याट्री जडान गर्न नसक्ने अयोग्य व्यक्तिको रुपमा वैश्यले उक्त आश्रममा पहिचान बनाएका छन् । मन्दिरका एक जना पुजारीले भने आश्रममा आर्थिक स्रोत नभएको होइन भएर पनि अयोग्य अध्यक्षका कारण आश्रम कमजोर बन्दै गएको बताए ।
वैश्य निकै व्यस्त मानिएका व्यापारिक हुन उनलाई मेयरको टिकट दिएर जनताको मनोभावना बिपरित हुने आमनागरिकको बुझाइ छ । उनी माओवादी कोटाबाट उधोग बाणिज्य संघ नेपालगञ्जको अध्यक्ष हुँदा समेत माओवादी संग समन्वय नगरि मनोपरी तरिकाले कार्यकाल सम्पन्न गरेको कार्यकर्ताले नै आरोप लगाउदै आएका छन् ।
त्यसैले वैश्य भन्दा राम्रो बिकल्प जनताको पक्षमा बोल्न र गर्न सक्ने योग्य व्यक्ति आदेश अग्रवाल रहेकोले मेयरको टिकट अग्रवाललाई दिन नागरिक स्तरबाट समेत दबाब सुरु भएको छ ।
नविन शर्मा पनि सक्षम उम्मेदवार मध्येका एक हुन । त्यसै तेज रेग्मी ब्यापारीका रुपमा राम्रो पहिचान बनाएका युवा नेता हुन उनलाई टिकट दिए मेयरमा जित्न सक्ने सम्भावना रहेको पार्टीका नेताहरुको भनाइ छ ।
अर्को आकाक्षी टंक धामी पार्टीको प्रत्यक्ष राजनीति भन्दा व्यापारिक रुपमा पार्टी लाई साथ दिदै आएका नेता हुन उनले पार्टीलाई गरेको सहयोगका आधारमा टिकट माग्नु कुनै नौलो कुरा भने होइन ।
बैशाख ३० गते हुने निर्वाचनका लागि पैसा वाला भन्दा नागरिक मैत्री र पार्टीको सिद्धान्त, बिचारलाई आत्मसाथ गरि अगाडि बढ्न सक्ने क्षमतावान व्यक्तिलाई टिकट दिन पार्टी भित्रै दवाव सुरु भएको एक जना नेताले बताए ।
