नरैनापुर । लुम्बिनी प्रदेश सरकारका आन्तरिक मामिला तथा सञ्चार मन्त्री तिलक शर्मा हिमालले मंगलवार बाँकेको नरैनापुरको नेपाल भारत सीमानाका सुईया लगायत बिभिन्न वडाको निरीक्षण गर्नु भएको छ । उहाँले नरैनापुर गाउँपालिका नागरिकहरुको अवस्था बुझ्नुका साथै सुरक्षाकर्मीहरुसंग छलफल समेत गर्नु भएको थियो ।
प्रदेश सभाका सभासद कृष्णा केसी नमुनाको पहलमा नरैनापुर र राप्तीसोनारी गाउँपालिकाको अवलोकन भ्रमणमा गर्नु भएका मन्त्री हिमालले मटैहियामा निर्माण भैरहेको इलाका प्रहरी कार्यालयको भवनको समेत निरिक्षण गरेर गर्नु भएको थियो । 
मन्त्री हिमालले नेकपा माओवादी केन्द्रका स्थानीय नेता कार्यकर्ताहरुलाई समेत भेटेर स्थानीय समस्याका बारेमा छलफल गर्नु साथै नरैनापुरको शिक्षा, स्वास्थ्यलाई प्रदेश सरकारले प्राथमिकतामा राखेको बताउनु भएको थियो ।
मन्त्री संगै बाँकेका प्रमुख जिल्ला अधिकारी सुर्य बहादुर खत्री, जिल्ला प्रहरी प्रमुख प्रहरी उपरीक्षक श्याम कृष्ण अधिकारी, राप्ती सोनारी गाउँ पालिका वडा नं ७ का वडा अध्यक्ष रामलखन थारु लगायतको उपस्थिति रहेको थियो ।
मन्त्री हिमालले मंगलवारनै राप्तीसोनारी गाउँपालिकाको वडा नम्बर ५, ६ र ७ मा पुगेर त्यहाँका सहीद परिवारका समस्या सुन्नुका साथै समग्रमा सो क्षेत्रको शान्ति सुरक्षाको अवस्था पनि बुझ्नु भएको थियो । सो अवसरमा स्थानीय जनताले उक्त क्षेत्रमा नेपाल टेलिकमको मोबाइलको नेटवर्क नलाग्ने गुनासो गर्दै टावर जडान गराउन माग गरेका थिए ।
जनताको मागप्रति आफु सकारात्मक रहेको जनाउँदै प्रदेश सञ्चार मन्त्री हिमालले टावर जडानका लागि प्रतिवद्धता गर्नु भएको थियो ।
नरैनापुर र राप्तीसोनारीको निरिक्षण र अवलोकन भ्रमणमा प्रदेशसभाका सांसद कृष्णा केसी नमुना र नेकपा माओवादी केन्द्रको प्रदेश समिति सचिवालय सदस्य प्रकाश सुवेदी (चन्द्रकान्ता) लगायतका नेताहरुको पनि सहभागिता रहेको थियो ।
