बाँके । बाँकेमा भोलि बुधबारबाट सुरु हुने दोस्रो चरणको अभियानमा नरैनापुरमा २४ सय ८० जना किशोरीलाई पाठेघरको मुखको क्यान्सर विरुद्धको ‘ह्युमन पापिलोमा भाइरस’(एचपिभि) खोप दिइने भएको छ ।
स्वास्थ्य कार्यालय बाँकेका खोप अधिकृत नरेश श्रेष्ठले बाँकेका ८ स्थानीय तहलाई दुई भागमा विभाजन गरी माघको २२ गतेदेखि २५ गतेसम्म पहिलो चरण नेपालगञ्ज , कोहलपुर, खजुरा गाउँपालिका र जानकी गाउँपालिकामा गरी ८६ प्रतिशतले खोप लगाएको बताउँदै उहाले भन्नुभयो, भोलि बुधबारबाट दोस्रो चरणमा नरैनापुर गाउँपालिका, डुडुवा, राप्ती सोनारी, बैजनाथ गाउँपालिकामा खोप अभियान सञ्चालन हुने जानकारी दिनु भयो ।
नरैनापुर गाउँपालिकाका स्वास्थ्य संयोजक नगेन्द्र कुमार शाहले नरैनापुरमा २४ सय ८० जनालाई खोप लगाउने तयारी पुरा भएको बताउनु भयो ।
यसैगरी बाँकेमा दोस्रो चरणमा १२ हजार ३ सय ६१ जनालाई खोप लगाउने स्वास्थ्य कार्यालय बाँकेले जनाएको छ ।
