बाँके । युथ टुडे न्युज डटकमको कार्यकारी सम्पादकमा रिया क्षेत्री नियुक्त हुनुभएको छ ।
युथ टुडे मिडिया नेटवर्क प्रा.लिको सञ्चालक समितिको बैठकले क्षेत्रीलाई कार्यकारी सम्पादककाे रुपमा नियुक्त गरेको हो । कार्यकारी सम्पादकमा नियुक्त भएका क्षेत्री रुपन्देहीकाे बुटवल स्थित बिभिन्न संचारमाध्यममा काम गर्दै आउनु भएको छ ।
क्षेत्री निरन्तर रुपमा क्रियाशील रहदै झण्डै एक दशकदेखि पत्रकारिता क्षेत्रमा काम गरिसक्नु भएको छ । युथ टुडे मिडिया नेटवर्क प्रालिले पत्रकारितामा अब्बल रहनुभएको क्षेत्रीलाई दिइएको कार्यकारी सम्पादकको जिम्मेवारीबाट युथ टुडे न्युजलाई थप उचाइमा पुर्याउन सफल हुने विश्वास ब्यक्त गरेको छ ।
यस्तै आगामी दिनमा ‘तथ्यको आधारमा सत्य स्थापित गर्ने’ संस्थाको मुल लक्ष्यअनुसार युथ टुडे न्युज डटकम अझै उचाइमा पुग्ने जनाउँदै कार्यकारी सम्पादक क्षेत्री पत्रकारितामा सबैको आवाजलाई समेटदै युथ टुडे न्युजलाई अझै बिश्वसनीय बनाउन लागिपर्ने बिश्वास पनि युथ टुडे मिडिया नेटवर्क प्रालिले लिएको छ ।
