गुनाराम घिमिरे
बुटवल । मधेशी आयोगका सदस्यहरूले आज एक कार्यक्रमकाबीच लुम्बिनी प्रदेशका प्रदेश प्रमुख अमिक शेरचन समक्ष आफ्नो प्रगति प्रतिवेदन बुझाएका छन।
प्रतिवेदन बुझ्दै प्रदेश प्रमुख अमिक शेरचनले मधेशी आयोगले मधेशमा मात्र मधेशीभएको बुझ्नु हुदैन । मधेशीहरू देशका सबै ठाउँमा छन हिमाल पहाड तराई जताततै छरिएर बसोबास गरेको हुँदा मधेशी आयोगले ति सबैलाई समेटेर काम गर्नुपर्ने सुझाव दिदै, अहिलेसम्म मधेशी आयोगले मधेशमा मात्र काम गरेको अवस्था छ । त्यसलाई परिमार्जित गर्नु पर्ने अवस्था छ, देशका नागरिकलाई भौगोलिक हिसाबले नै अप्ठ्यारो परेको छ ।
मधेशी जनतालाई पहाडी र हिमालीले बिभेद गर्नु भन्दा पनि मधेशी जनतालाई मधेशीले नै बिभेद गरेको अवस्था छ। मधेशी समुदायमा बढ्दै गएको अन्ध विश्वासले यति धेरै जरो गाडेको छ ,ति अन्धविश्वासलाई चिर्ने काम सरकार र सरकार मातहतका बिभिन्न संघ संस्था हरूको भएको हुँदा यो महत्वका साथ गर्नुपर्ने बताउँदै मधेशी आयोगका प्रतिनिधि हरूलाई आग्रह समेत गर्नुभएको हो।
मधेशमा मुसहर लगायतका जातिहरू लाई बिभेदमा गरिएको छ त्यो अशिक्षाको कारण हो। मधेशी आयोग स्थापना भएको पनि धेरै भैसक्यो यस्ता मुद्दाहरू माथि आयोगले एकदमै जिम्मेवारीपूर्ण तरिकाले काम गर्न सुझाव दिदै नेपालमा दासत्व र वर्गीय अन्तरविरोध ले अझै जरा गाडेको हुँदा दासत्व कै कारणले देशमा नागरिकहरूले दुख पाएको अवस्था छ, सबै मिलेर यस्को अन्त्य गर्नु जरुरी छ भन्दै प्रदेश प्रमुख अमिक शेरचनले आफू नेपालका मुगु जिल्ला बाहेक सबै जिल्ला घुमेको हुँदा विभेदहरू हिमाल र पहाड को तुलनामा मधेशी समुदायमा धेरै भएको हुँदा यसमा ध्यान दिदै यि र यस्ता विषयवस्तुलाई केन्द्रमा राखेर काम गर्न को लागि आग्रह गर्नु भयो ।
मधेशी आयोगका सदस्य विजय गुप्ता र रेणु देवि शाह ले लुम्बिनी प्रदेश कार्यालयमा एक औपचारिक कार्यक्रम गरी लुम्बिनीमा प्रदेश प्रमुख अमिक शेरचन लाई आयोगको वार्षिक प्रतिवेदन पेस गरेका छन्। मधेशी आयोगका प्रतिनिधि रेणु देवि शाहका अनुसार नेपालको संबिधानले बिभिन्न राष्ट्रिय रुपमा संबैधानिक आयोगहरूको अवस्था अनुसार व्यवस्था सोही अनुसार प्रतिवेदन पेश गरेको बताउनु भयो ।
त्यस्तै प्रतिवेदनमा पेश गर्ने क्रममा विजय गुप्ता मधेसी आयोगले मधेशमा बढ्दै गएको बिभेद र अन्धविश्वास र अशिक्षाले गर्दा मधेसी जनताको बिग्रिँदै गएको अवस्थालाई माथि उठाउनको निमित्त निरन्तर काम गर्दै आएको जिकिर गर्नु भयो ।
कार्यक्रममा प्रदेश प्रमुखका कार्यालय सचिव चिरन्जीवी पौडेल सचिवालय कर्मचारीहरु तथा पत्रकार लगायत विभिन्न व्यक्तिहरूको उपस्थिति रहेको थियो।
