डुुडुवा । बाँकेको डुडुवा गाउँपालिकाका नेपाली कांग्रेसका तर्फबाट अध्यक्ष पदका उम्मेदवार नरेन्द्र चौधरी र उपाध्यक्ष पदका उम्मेदवार साहिदा बानोले निर्वाचन नजिकिदै गर्दा घरदैलो अभियानलाई तिब्र बनाउनु भएको छ ।
उहाँहरुले आज डुडुवा गाउँपालिकाको वडा नम्बर ६ हिरमिनियामा घरदैलो गर्नुभएको हो । घरदैलोका क्रममा मतदाताले आर्शिवाद दिदै भने–‘बाबु फेरि जित्नुहोस् र हाम्रो गाउँपालिकालाई नमुना बनाउनुहो् ।’ अध्यक्ष पदका उम्मेदवार चौधरीले गाउँपालिकाले शिक्षा ,स्वास्थ्य ,कृषि र बिपद व्यवस्थापनको क्षेत्रमा आफूले गरेका कामहरुलाई आगामी कार्यकालमा अवसर पाएमा अझै प्रभावकारी बनाउने बताउनु भएको छ ।
उहाँले विगतमा पूरा हुन नसकेका कामलाई पुरा गर्न आफुहरु चुनावी प्रतिस्पर्धामा होम्मिएको बताउनुभयो । यस्तै उपाध्यक्ष पदका उम्मेदवार साहिदा बानोले गाउँपालिकाले विकासका पुर्वाधार बिकासका संगै सामाजिक सहभागिता र न्यायको क्षेत्रमा पनि उल्लेखनिय काम गरेकाले आगामी कार्यकालका लागि पनि आफूहरुलाई जिताउन आग्रह गर्नुभयो। उहाँले समुदायमा आधारित विकासका काममा गाउँपालिकाले विशेष जोड दिईरहेको बताउनुभयो । अब एक पटक फेरी बिजयी बनाएर विकासको काममा साझेदारी गर्न उहाँले आग्रह गर्नुभयो ।
