बाँके । पृथ्वी जयन्तीको दिन पुस २७ गते नेपालगञ्ज उपमहानगरपालिका वडा नं ४ ले सार्वजनिक बिदा दिएको छ । वडा कार्यपालिकाको बैठक बसेर सार्वजनिक बिदा दिने निर्णय गरेको वडा अध्यक्ष मोहम्मद सफिक बेहनाले युथ टुडे न्युजलाई जानकारी दिनुभयो । अघिल्लो वर्ष पनि नेपालगञ्जमा बिदा दिइएको थियो ।
सोमबार सूचना जारी गर्दै पृथ्वी जयन्तीमा बिदा दिने निर्णय भएको जानकारी दिइएको हो । ‘पृथ्वी जयन्तीको दिन वडा कार्यपालिका, वडा अन्तरगतका सबै संस्थाहरूमा सार्वजनिक बिदा हुनेछ,’ सूचनामा भनिएको छ ।
वडा अध्यक्ष मोहम्मद सफिक बेहनाका अनुसार २७ गते बिहान अस्पतालमा रहेका बिरामीहरूलाई फलफूल वितरण गरिनेछ भने दिउँसो झाँकी र्याली हुने बताउनु भयो ।
