बाँके । भेरी अस्पताल परिसरभित्र रहेको कर्णाली प्रदेशको क्षेत्रीय मेडिकल स्टोरमा कार्यरत कार्यालय सहयोगी खाँडाचक्र नगरपालिका ६ कालीकोटका २३ बर्षीय धनप्रसाद भट्टराई, उनको ३ महिनाको छोरा इप्सन भट्टराई, सासु अन्दाजी ५५ बर्षीया कोपिला बाँके । भट्टराई र धनप्रसादकी बहिनी अन्दाजी २२ बर्षीया कोली भट्टराईको मृत्यु निसास्सिएर मृत्यु भएको प्रहरीले जनाएको छ ।
एउटै कोठामा बसेका उनीहरुले चिसोबाट जोगिनका लागि कोठामा आगो बालेका थिए सोही आगोको धुवाँले निसासिएर मृत्यु भएको हुन सक्ने अनुमान गरिएको प्रहरीले जनाएको छ ।
घटानाको बारेमा जानकारी पाउने बित्तिकै बाँकेका प्रमुख जिल्ला अधिकारी सूर्य बहादुर खत्री र एसपी श्याम कृष्ण अधिकारी घटनास्थलमा पुग्नु भएको छ । घटना बारे अनुसन्धान भइरहेको जानकारी दिनु भयो ।
विहान ६ बजेतिर कोठामा गएर हेर्दा उनीसहित चार जना मृत अवस्थामा भेटिएको प्रहरीको भनाइ छ । संगै कोठामा बसेका अन्य तीन जना अचेत अवस्थामा रहेका छन् । उनीहरुको भेरीमै उपचार भइरहेको छ । भट्टराईकी श्रीमती, ३ बर्षीय छोरा र बहिनीको उपचार भइरहेको अस्पताल प्रशासनले जनाएको छ । घटनाबारे थप विवरण आउन बाँकी छ ।
