बाँके । नेपालगन्ज उपमहानगरपालिका वडा नं. ३ एक्लैनिमा प्रत्येक वर्ष झै यस वर्ष पनि मुस्लिम धर्मावलम्बीहरूकाे महान पर्व मोहर्रमलाई भब्य र सभ्य बनाउने उद्देश्यले फैज स्पाेर्टस लाठी क्लबकले लाठी खेल शुरू गरेको हो ।
मुस्लिम परम्परा अनुसार आत्म रक्षाका साथै मोहर्रम पर्वमा विभिन्न कला झल्काउने उद्देश्यका साथ खेलप्रेमी युवाहरूकाे उपस्थिति तथा क्लबको अध्यक्ष अली हुसैन राईकाे प्रमुख अतिथ्यिमा फैज स्पोर्ट्स लाठी क्लबकाे लाठी खेल शुरू भएको हो।
प्रमुख प्रशिक्षक अली हुसैन राई,रियाज़ राई,वाहिद शेख, साहिल शेख तथा युसुफ अन्सारीको दैनिक उपस्थितमा युवाहरूलाई प्रशिक्षण दिनुका साथै उक्त कला मार्फत आत्मरक्षा ज्ञान बारे समेत जानकारी गराइने छ ।
फैज़ स्पाेर्ट लाठी क्लबका अध्यक्ष अली हुसैन राई, उपाध्यक्ष गुलाम हुसैन हलवाई, कोषध्यक्ष रियाज़ राई, सचिव अनिस शाह, महासचिव बाबू हलवाई, संरक्षक साम्शेर राई, सल्लाहकार अनिस शेख सदस्यहरू चुन्न सिद्दीकी' सुल्तान सिद्दीकी,लगायतकाे सहभागिता रहेकाे थियाे । कार्यक्रममा उपस्थित सबै खेलप्रेमीहरुले हज़रत इमाम हुसैन पाकको फातिया नियाज़ गरि सिन्नी वितरण गरेको आयोजकले जनाएको छ।
